ਹੁਸ਼ਿਆਰਪੁਰ ਜਿਲੇ ਦੇ ਕਸਬਾ ਗੜਸ਼ੰਕਰ ਦੇ ਪਿੰਡ ਮਾਜਰਾ ਡਿੰਗਰਿਆ ਦੇ ਰਛਪਾਲ ਸਿੰਘ ਨਾਮ ਦੇ ਨੌਜਵਾਨ ਤੋਂ ਇੱਕ ਧਾਰਮਿਕ ਡੇਰੇ ਦੇ ਮੁਖੀ ਵੱਲੋਂ ਵਿਦੇਸ਼ ਭੇਜਣ ਦੇ ਨਾ 'ਤੇ 15 ਲੱਖ ਰੁਪਏ ਠੱਗਣ ਦਾ ਦੋਸ਼ ਹੈ I ਦਰਅਸਲ ਰਛਪਾਲ ਸਿੰਘ ਸਾਲ 2017 ਵਿੱਚ ਕਪੂਰਥਲਾ ਦੇ ਪਿੰਡ ਪਾਂਸਟਾ 'ਚ ਸਥਿਤ ਡੇਰਾ ਮਾਈ ਭੁੱਲੀ ਘੁਮਾਰੀ ਵਿਖੇ ਰੰਗ-ਰੋਗਨ ਦਾ ਕੰਮ ਕਰਦਾ ਸੀ ਜਿੱਥੇ ਉਸ ਨੂੰ ਪਤਾ ਲੱਗਾ ਕਿ ਡੇਰੇ ਦਾ ਮੁਖੀ ਜੇ. ਬੀ ਜਗਰਾਮ ਸਾਬਰੀ ਵਿਦੇਸ਼ ਭੇਜਣ ਦਾ ਕੰਮ ਕਰਦਾ ਹੈ I ਉਸ ਨੇ ਵਿਸ਼ਵਾਸ਼ ਕਰਕੇ ਕਨੇਡਾ ਭੇਜਣ ਲਈ ਡੇਰਾ ਮੁਖੀ ਨੂੰ 15 ਲੱਖ ਰੁਪਏ ਦੇ ਦਿੱਤੇ I ਰਛਪਾਲ ਸਿੰਘ ਮੁਤਾਬਕ ,ਜਦੋ ਵੀਜ਼ਾ ਆਇਆ ਤਾਂ ਉਹ ਜਾਅਲੀ ਨਿਕਲਿਆ ਜਿਸ ਨੂੰ ਡੇਰਾ ਮੁਖੀ ਨੇ ਲਿਖਤੀ ਰੂਪ 'ਚ ਸਵੀਕਾਰ ਵੀ ਕਰ ਲਿਆ ਹੈ ਪਰ ਅਜੇ ਤੱਕ ਉਸ ਨੂੰ 15 ਲੱਖ ਰੁਪਏ ਵਾਪਿਸ ਨਹੀਂ ਕੀਤੇ ਜਿਸ ਦੀ ਸ਼ਿਕਾਇਤ ਰਛਪਾਲ ਸਿੰਘ ਨੇ ਹੁਸ਼ਿਆਰਪੁਰ ਦੇ SSP ਨੂੰ ਦੇ ਦਿੱਤੀ ਹੈ I
